شيتووووووووس يتكلم

الاحتياج

2009-02-19T22:33:00.000-08:00

ما اصعب الاحتياج من اى نوع ؟
سواء كان احتياج مادى او احتياج للعاطفة او احتياج لأى شىء فلو تكلمنا عن الاحتياج المادى كمثال فهو من اصعب انواع الاحتياجات التى يمكن ان تجعل الانسان يقوم بأى شىء أى شىء ونراها فى المدمنين عندما يحتاجو المخدر يقومون بعمل اى شىء وحتى غير المدنين شعور الاحتياج شعور صعب جدا من اسوء الاحساسات شعور الاحتياج يجعل من المحترم غير محترم ومن الانسان حيوانا ويموت الاحساس ويجعل الانسان بلا قلب
ولكن هى الحياة وهكذا خلق البشر وقسمهم لغنى وفقير ومتوسط وكل منا يجب ان يرضى بنصيبه

شيتوووووووووووس

اخيراااااااااااا

2008-11-10T08:41:00.000-08:00

بسم الله الرحمن الرحيم

قلت ارجع تانى للكتابة فى البلوج على فكرة انا مكنتش بطلت بس كنت مشغول ولازلت عندى امتحان ميد ترم يوم 15/11 الجاى ربنا يستر وعاوزكو تدعولى بس اللى انا عاوز اتكلم عليه انهاردة ان بجد عاوز اقلكو واحذركو من غلط انا وقعت فيه ان اشتغلت وانا بدرس وبصراحة مش عاوز اقولكو انى متبهدل اخر حاجة لا عارف اذاكر ولا عارف اشتغل ولا عارف اشوف طلبات بيتنا ولا عارف اقعد مع صحابى ولا حتى احضر فى الكلية انا تقريبا كنت فاكر نفسى سوبر مان بس انا بدعى ان ربنا يوفقنى ياااااااااارب وعاوز منكو انكو تدعولى انى اقدر اصمد على كدة

شيتووووووووووووووس

ما هو اكتر شىء مدهش فى البشر

2008-08-09T12:23:00.000-07:00

ما هو أكثر شيء مدهش في البشر ؟؟
توجهت إلى حكيم لأسأله عن شيء يحيرني فسمعته ً يقول : ' عن ماذا تريد أن تسأل؟ قلت :' ما هو أكثر شيء مدهش في البشر؟ ' فأجابني :' البشر ! يملّون من الطفولة ، يسارعون ليكبروا ، ثم يتوقون ليعودوا أطفالاً ثانية ' ' يضيّعون صحتهم ليجمعوا المال ،ثم يصرفون المال ليستعيدوا الصحة ' ' يفكرون بالمستقبل بقلق ، وينسَون الحاضر، فلا يعيشون الحاضر ولا المستقبل ' ' يعيشون كما لو أنهم لن يموتوا أبداً ، و يموتون كما لو أنهم لم يعيشوا أبداً ' مرّت لحظات صمت ..... ثم سألت :' ما هي دروس الحياة التي على البشر أن يتعلّموها؟ ' فأجابني : ' ليتعلّموا أنهم لا يستطيعون جَعل أحدٍٍ يحبهم،كل ما يستطيعون فعله هو جَعل أنفسهم محبوبين ' ' ليتعلموا ألاّ يقارنوا أنفسهم مع الآخرين ليتعلموا التسامح ويجرّبوا الغفران ' ليتعلموا أنهم قد يسبّبون جروحاً عميقةً لمن يحبون في بضع دقائق فقط، لكن قد يحتاجون لمداواتهم سنوات ٍطويلة ' ' ليتعلموا أن الإنسان الأغنى ليس من يملك الأكثر، بل هو من يحتاج الأقل ' ' ليتعلموا أن هناك أشخاص يحبونهم جداً ولكنهم لم يتعلموا كيف يظهروا أو يعبروا عن شعورهم ' ' ليتعلموا أن شخصين يمكن أن ينظر إلى نفس الشيء و يَرَيَانِه بشكلٍ مختلف ' ' ليتعلموا أنه لا يكفي أن يسامح أحدهم الآخر، لكن عليهم أن يسامحوا أنفسهم أيضاً ' قلتُ بخضوع :
' شكراً لك ' .

لن ننساك ياابوزيد الله يرحمك ويدخلك فسيح جناته

2008-08-02T05:50:00.001-07:00

اسف على الازعاج

2008-07-25T00:50:00.000-07:00

بسم الله الرحمن الرحيم

ياجماعة الفيلم دة بجد اول فيلم يعجبنى كدة محصلتش ان فيلم مصرى يعجبنى اوى كدة ومع ذلك هو مش سياسى ولا اكشن ولا حاجات من اللى بتشد الناس بس بجد دة كتيررررررررر احمد حلمى تفوق على نفسه الانسان دة يجماعة مأصبحش الانسان اللى بيعمل كل سنة فيلم وممكن ينجح او لأ الراجل دة انا بدأت اعتبره من الناس اللى نجاحهم بقى مضمون ودة ابتدى من فيلمه بتاع السنة اللى فاتت كدة رضا لكن فيلم اسف على الازعاج حالة خاصة على فكرة انا مش صاحب احمد حلمى ولا المنتج ولا يهمنى ان ايراداته تعلى بس العمل الناجح بيفرض نفسه وعاوزكو تتفرجو عالفيلم وتقولولى رأيكو

فى إيه

2008-07-20T16:52:00.000-07:00

اصعب احساس فى الدنيا اما تكون مش فاهم إيه اللى بيحصل حواليك ولا فاهم مين عدوك اكنك بتحارب وانت مغمينك. مش شايف حاجة قدامك وفى حد بيضربك وبيضربك اوى وانت لا عارف تمسكه ولا عارف تهديه ولا عارف تعمل اى حاجة غير انك تسكت وتقوله كمان

بسسسسسسسسسسسسسسس

شيتووووووووووووووس

تفتكرو المرأة بتحب الراجل ليه

2008-06-04T12:46:00.000-07:00

س - لماذا خُلقت المرأة بكل هذا الجمال؟
جـ - لكي يحبها الرجلس - ولماذا خُلقت بكل هذا الغباء؟جـ - لكي تحبهس - كيف يمارس الرجل الرياضة على شاطيء البحر؟جـ - يشفط كرشه كلما مرت أمامه فتاة بالمايوهس - كيف يعتبر الرجل نفسه متعاونا في الأعمال المنزلية؟جـ - بأن يرفع رجليه من على الأرض لتكنس الزوجة تحتهماس - كيف يفهم الزوج تقسيم المهام مناصفة في أعمال المنزل؟جـ - الزوجة تطبخ وهو يأكل , الزوجة تكوي الملابس وهو يكرمشها ، هي تنظف البيت وهو يوسّخس - ما وجه الشبه بين الرجال وإعلانات التليفزيون؟جـ - مافي واحدة عاقلة تصدق دا ولا داس - لماذا لا يُحسن الرجال التعبير عن أحاسيسهم؟جـ - وهم دول عندهم إحساسس - ما هي الحالة الوحيدة التي يطلب الرجل فيها من زوجته تناول العشاء في ضوء الشموع؟جـ - لما الكهرباء تنقطعس - كيف يمكنك التمييز بين هدايا الزوج الودية , وهداياه لما يكون عامل عملة؟جـ - الهدايا تكون أحلى في الحالة الثانيةس - ما وجه الشبه بين الرجال والطقس؟جـ - لا يمكن تغيير أي منهم للأفضلس - ما الفرق بين رجل في الأربعين من عمره و امرأة من نفس السن؟جـ - المرأة تتمنى أن تنجب طفلا صغيرا لتثبت أنها لا تزال شابة , بينما الرجل يحاول الزواج من طفلة صغيرة لنفس السببس - ما وجه الشبه بين الرجل والشهادة الكبيرة؟جـ - بتضيعي سنين من عمرك علشان تحصلي عليها , وبعدين ما تعرفي تعملي بيها إيهس - متى يتذكر الرجل أن المرأة تفتقر للتفكير المنطقي؟جـ - عندما تختلف معه في الرأيس - تلاقي فين الراجل اللي ما يطالع لواحدة غير مرته؟جـ - في القبرس - مدير اتعرض عليه ثلاث بنات علشان يختار منهم سكرتيرة , كلهم نجحوا في الإختبار بنفس الدرجات , فقرر يعمل لهم اختبار للأخلاقأعطى لكل واحدة شنطة بها 1000 ريال, وقال لها الشنطة دى فيها 500 ريال , روحي البنك أودعيهم في حساب الشركةأول واحدة لقيت المبلغ زايد .. رجعت الشركة وسألت المدير تعمل إيهالتانية أودعت 500 ريال ورجّعت 500 للمديرالتالتة أودعت الألف كلهم وجابت وصل الإيداع للمديرتفتكروا اختار مينجـ - اللي لابسه ميني جيبس - ما الفرق بين الإرهابي وامرأة ثائرة؟جـ - يمكنك التفاوض مع الإرهابيتحتاج المرأة لأربع حيوانات في حياتها : ديك رومي في الفريزر , وتمساحة في الجراج , وثعلب على كتفها , وحمار يدفع ثمن الكلام ده كلهشحات كلم بنت تخينة خارجة من الناديأرجوكي , أنا بقالي يومين مأكلت لقمة عيش واحدةقالتله : أنا بحسدك على قوة إرادتك , مين الدكتور اللي بتعمل معاه الريجيم؟عندما تسأل المرأة : إيش رأيك في شكلي؟ فآخر ما تبحث عنه هو الحقيقةدائما تطالب المرأة بالمساواة , ولكن تختفي هذه الفكرة عند تقسيم أرفف الدولاب وساعة دفع الحساب في أي مطعم ايه رأيكمكان عندي حق ولا لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وتستمر المقاطعة

2008-05-18T12:58:00.000-07:00

انهاردة بقة ياجماعة انا جايبلكم اسماء بعض المواد الدنماركية

... Lays & Dorritos & Cheetos & Mentos & Philips ( sherket adwat kahrba2ia ) & Shell ( benzena shell ) & Signal 2 & Sensodyne (tooth gel ) & Axe (Deoderant) & Persil & Omo & Knor & Fair &

Lovely

قاطعوا هذه المنتجات حبا فى رسول الله

نجاح مذهل للمقاطعة

2008-04-29T15:06:00.000-07:00

بسم الله الرحمن الرحيم

ياجماعة المقاطعة اللى ناس كتير كانت بتأكد انها مش هتعمل حاجة عملت كتيييييييير اولا اقتصاد هولندا قل بنسبة كبيرة جدا

والمصاحف نفذت من كل مكتبات امستردام وجارى ارسال ليهم كميات منها مترجمة للغة الهولندية

عاوز اقلكو ياجماعة ان كل الدول الاسلامية عملت المقاطعة

ولدرجة ان فى دول مسيحية اوربية بعتت تبرأ نفسها من اللى حصل عشان تحمى اقتصادها

يجماعة احنا مش قليلين بجد لازم نعرف اننا كلمتنا عالية وبتتسمع ولازم نكون واثقين فى نفسنا يارب تكون الرسالة وصلت

حملة مقاطعة البضائع الهولندية

2008-04-08T14:43:00.000-07:00

ياجماعة فكرة بس المقاطعة من قبل ما نعملها دة خلى الخارجية الهولندية تنزل انهاردة بيان بأنها منعت نزول الفيلم الجديد شفتو كانوا عاملين فيلم كمان واحنا دة بالنسبالنا مش كفاية ولا ينفع اساسا لازم يعرفوا مين اللى غلطو فيه دة ويكون فيه رد حاسم ودة ياجماعة ايميل الخارجية الهولندية واللى المسلمين بعتو عليه ونددت باللى عملوه وعرفوهم ان احنا هنعمل مقاطعة ضد بضايعهم فعاوزين كلنا نبعتلهم عليه ونعرفهم رفضنا للى حصل دة

buza@postbus51.n1

لأمتى هنقف ساكتين

2008-04-03T11:35:00.000-07:00

بسم الله الرحمن الرحيم

بصوا ياجماعة لأمتى هندننا واقفين نتفرج المرة الاولى الدنمارك حطت صور مسيئة لأشرف خلق الله

اجمعين وعملنا مقاطعة شوية وبرضو معتذروش وسكتنا وبرضه اشترينا حاجاتهم اكننا منقدرش

نستغنى عنها بينى وبينكم طز فى البضائع النماركية ودلوقتى من كتر ما حسو ان الموضوع سهل

عملوها فيلم يالهوى عالاستهزاء إيه اللى ناقص اكتر من كدة اى حد عاوز يشتهر يسىء لخير خلق

الله وبجد الموضوع مش لازم يعدى لأنهم مش غلطو فينا لأ دول غلطو فى ديننا ومش كل مرة نقولهم سورى اصلنا ضربناكو بوشنا على

ايديكو احنا متأسفين لألألألأ والف لألألألألألأ مش هنسكت وعاوزين ننظم حملة لمقاطعة بضايعهم ومش دى اللى هتعيشنا ولمرة واحدة

عاوزين نبقى رجالة رجالة صح والحملة هتبدأ من يوم 10ابريل وهى المفروض تقف 25 ابريل بس انا مش عاوزها تقف لأن الاعتذار

حتى مش هيشفى غليلنا وربنا يقدم ما فيه الخير

الى كل شاب وفتاة

2008-03-30T18:28:00.000-07:00

احب اقول لكل شاب وكل فتاء لا تنحرف ولو عمك ضربك على قفاك واخد عقد الشقة منك غصب عنك اشكره وبوس ايدك شعر ودقن والجريمة لاتفيد واطلب فى نهاية البرنامج اغنية لأمى العزيزة ست الحبايب ياحنانة انت

مش دة اللى انا عاوز اقولو اللى انا عاوز بجد اطلبه من الشباب اننا لازم كلنا نحاول نبعد عن المخدرات طبعا فى طبقة من الشعب اللى بتاخد المخدرات اللى بيتكلم عنها ا/عمرو خالد لكن بصراحة دى مش طبقتى انا اللى عاوز اتكلم عليه هما طبقة الحشيش والبانجو لأن الحاجات دى بقت زى السجاير العادية انا بدأت احس ان لو حد دخل سوبر ماركت وقالو عاوز قرش حشيش هيقولو اتفضل وفى ناس بيقولو مش مضرة لدرجة انى بصراحة مرة قابلت 2 فى كلية طب وقالولى انها مش مضرة بس بجد انا نفسى الشباب يبطل اى حاجة بتذهب العقل ونبدأ بقة نبص لمستقبلنا وحياتنا ونبص لقدام مش لأنهاردة ويارب كلامى دة يأثر ولو فى ربع واحد

ماتت قلوب الناس ماتت بنا النخوة يمكن نسينا فى يوم ان العرب اخوة

2008-03-12T13:22:00.000-07:00

بإذن الله غانا 2008 بتاعتنا

2008-01-22T16:35:00.000-08:00

شجع شجع مصر ................مصر بتلعب مصر

بإذن الله هنكسب البطولة بس ادعولهم ياجماعة وإن شاء الله هيعملوها الرجالة

الامتحانات جت

2008-01-04T15:52:00.000-08:00

بسم الله الرحمن الرحيم

الاول طبعا كل سنة وانتوا طيبين واللى متحققش فى 2007 بإذن الله يتحقق فى 2008 بس السنة الجديدة جت وجابت معاها امتحانات الفاينال بتاعة نص السنة مش عاوز اقولكوا انا ركبى بتخبط عالجيران ربنا يستر ربنا يخليكوا يجماعة انا عاوزكوا تدعولى انى اعدى السنة دى صافى يلا ربنا يستر

شيتوووووووووووس

هابى نيو يييييييير 2008

2007-12-28T20:37:00.000-08:00

Get FREE HI5 Comments

العيد فرحة ماااااااااااء

2007-12-20T07:52:00.000-08:00

عييييييييييييييييد سعييييييييييييييييييييييد
عيد تانى ولحمة ضانى وهابى نيو يير وخروف كبير

شيتووووووووووووووس

نفسى اعمل كدة

2007-11-25T08:02:00.000-08:00

آاااااااااه من غدر الانسان لأخوه الانسان

2007-11-25T06:54:00.000-08:00

الدنيا دى ملهاش امان والمعروف فيها مبقاش بيبان.وآاااااااااااااه من غدر الانسان لأخوه

الانسان.واللى يعمل معروف فى الزمان دة يبقى حيوان...وكل الناس بقت بتعض الايد اللى

اتمدتلها وقت الشدة وبتنسى ان اللى قدامهم دة انسان .بجد مش عارف اعمل إيه بعد ما كله

هان.ومبقتش اعرف احكم على اللى قدامى طيب ولا شرير ولا ألعوبان.وبجد كدة مفيش

صاحب للانسان.وانا بعد كدة مش هيكون ليا اصحاب وهيشوفوا منى جنان.وبعد سنين من

البحث بين الخلان.عن شريكة تملى الحياة الفاضية والمليانة بالاحزان. واللى نفسى اشوف

على إيديها كل الحب والحنان. اعجبت بيها من اول نظرة وشفت فى عنيها شط الامان.ودة

مبيحصلش كتير فى حياة الانسان.وبعد ما لقيت اللى كنت بدور عليه من زمان. بكل سهولة

كدة يخطفها صاحبى الفنان. اللى كنت فاكره فى معزة الاخوان .ولا همه لا صداقة ولا عيش

ولا ملح ولا حتى بتنجان. وهقول إيه غير ان الصاحب خان. شكلى كدة هتعود انى ميكونش

ليا اصحاب ولا زمايل كمان. بجد انا حسيت ان جتلى كبسة بالالوان. تفتكروا هما ليه

بيعملوا معايا كدة يمكن يكونوا شايفنى طيب وغلبان. بجد انا معترف ان انا

غلطااااااان.ونفسى مش هتسامح نفسى اللى مخليانى دلوفتى احس ان انا قرفان ومخنوق

وتعبااان. انا بعد كدة هتعمل بحقد وغل وخبث ومش هفضل اى انسان . وهيشوفوا حوت من

الحيتان . خلاص كدة علشان ممكن الكيبورد يكسر فى إيدى زى الفنجان

شيتوووووووووووووووس

الوحدة بتقتلنى

2007-11-21T13:40:00.000-08:00

وحيد موجود فى دنيا الحب يحب آه لكن ميتحبش يتحب آه لكن مبيحبش

نفسه يلاقى المعادلة الصعبة اللى تخلى الاتنين نفس الشىء

ومتفهمش ليه الواد الطيب ميقعش فى الطيبة اللى زيه

لازم تطلع واحدة شريرة !بجد شريرة مهو الاستغلال يعتبر شر

وعدم الطاعة شر برضه وغيرها من الصفات اللى انتوا عارفنها

وميقعش فى الطيب دى الا واحد فى المليون

ونفس الموضوع الطيبة متقعش غير فى المستغل صاحب العلاقات الكتير

اللى بيطلق عليه لقب شرير برضه من وجهة نظرى

بس الواحد المفروض لازم يأمن بكلام الله "سبحانه وتعالى " (الطيبون للطيبات) صدق الله العظيم

بس بجد لازم نفكر قبل ما نختااااااااار

شيتووووووووووووووووس

ياسلام عالحب

2007-11-18T10:58:00.000-08:00

ياسلام عالحب اللى تحبها متحبكش واللى متحبهاش تحبك بجد لازم تجرب علشان تعرف بنفسك اد إيه العذاب اللى بيشوفه اللى بيحب من سهر الليالى وهو نفسه ينام ومش عارف ينام مهو هيعمل إيه مش بإيده غصب عنه بس هيعمل إيه مهو بيحب ودى غلطته اللى ملوش فيها اى ذنب. قعدت اقلب واسيب لغاية ما جربت وياريتنى ما جربت بجد طلع اكبر غلطة وموضوع ان الاتنين يطلعوا بيحبوا بعض دى فى الافلام والروايات بس آاااااااااااااااه بجد من الحب طلع عينى وورانى ايام مشفتهاش قبل كدة دة طلع اصعب من الثانوية العامة . وهنقول إيه غير معلش هو بيعذب لكن مبيموتش ياسلام عالحب

شيتووووووووووس

من الاول كدة مش كلماتى بس عجبانى

2007-11-16T23:05:00.000-08:00

لا تنتظر حبيباً باعك وانتظر ضوءاً جديداً يمكن أن يتسلل إلى قلبك الحزين فيعيد لأيامك البهجة ويعيد لقلبك نبضه الجميل لا تحاول البحث عن حلم خذلك وحاول أن تجعل من حالة الإنكسار بداية حلم جديد لا تقف كثيراً على الأطلال خاصة اذا كانت الخفافيش قد سكنتها والأشباح عرفت طريقها وابحث عن صوت عصفور يتسلل وراء الأفق مع ضوء صباح جديد لا تنظر الى الأوراق التي تغير لونها وبهتت حروفها .. وتاهت سطورها بين الألم و الوحشه سوف تكتشف أن هذه السطور ليست أجمل ما كتبتوأن هذه الأوراق ليست اخر ما سطرتو يجب أن تفرق بين من وضع سطورك في عينيه ومن القى بها للرياح لم تكن هذه السطور مجرد كلام جميل عابرولكنها مشاعر قلب عاشها حرفاً حرفاً ونبض إنسان حملها حلماً واكتوى بنارها ألماًلا تكن مثل مالك الحزين هذا الطائر العجيب الذي يغني أجمل الحانه وهو ينزفف لا شيء في الدنيا يستحق من دمك نقطة واحده إذا أغلقت الشتاء أبواب بيتك وحاصرتك تلال الجليد من كل مكان فانتظر قدوم الربيع وافتح نوافذك لنسمات الهواء النقي وانظر بعيدا فسوف ترى أسراب الطيور وقد عادت تغني وسوف ترى الشمس وهي تلقي خيوطها الذهبيه فوق أغصان الشجرلتصنع لك عمراً جديداً وحلماً جديداً وقلباً جديداًإدفع عمرك كاملاًًًًًًًًًًًًًًًًًًًًًً لإحساس صادق وقلب يحتويك ولا تدفع منه لحظة في سبيل حبيب هاربأ و قلب تخلى عنك بلا سببلا تسافر الى الصحراء بحثاً عن الاشجار الجميله فلن تجد في الصحراء غير الوحشة وانظر الى مئات الأشجار التي تحتويك بظلها وتسعدك بثمارها .. وتشجيك بأغانيها لا تحاول أن تعيد حساب الأمس وما خسرت فيه فالعمر حين تسقط أوراقه لن تعود مرة أخرى ولكن مع كل ربيع جديد سوف تنبت أوراق أخرى فانظر الى تلك الأوراق التي تغطي وجه السماءودعك مما سقط على الأرض فقد صارت جزءاً منها إذا كان الأمس ضاع فبين يديك اليوم وإذا كان اليوم سوف يجمع أوراقه ويرحل فلديك الغد لا تحزن على الأمس فهو لن يعودو لا تأسف على اليوم فهو راحلإننا أحياناً قد نعتاد الحزن حتى يصبح جزءاً منا ونصير جزءاً منه.. وفي بعض الأحيان تعتاد عين الإنسان على بعض الألوان ويفقد القدرة على أن يرى غيرها .. ولو أنه حاول أن يرى ما حوله لأكتشف أن اللون الأسود جميل .. ولكن الأبيض أجمل منهوأن لون السماء الرمادي يحرك المشاعر والخيال ولكن لون السماء أصفى في زرقته ..فابحث عن الصفاء ولو كان لحظة .. وابحث عن الوفاء ولو كان متعباً و شاقاً ولا تترك قلبك ومشاعرك وأيامك لأشياء ضاع زمانهاوإذا لم تجد من يسعدك فحاول أن تسعد نفسك وإذا لم تجد من يضيء لك قنديلاً فلا تبحث عن اخر أطفأه وإذا لم تجد من يغرس في أيامك وردهف لا تسع لمن غرس في قلبك سهماً ومضى أحياناً يغرقنا الحزن حتى نعتاد عليه وننسى أن في الحياة أشياء كثيرة يمكن أن تسعدنا وأن حولنا وجوهاً كثيرة يمكن أن تضيءفي ظلام أيامنا شمعة فابحث عن قلب يمنحك الضوءولا تترك نفسك رهينة لأحزان الليالي المظلمة

ورجعت تانى

2007-11-16T22:20:00.000-08:00

الاول عاوزكوا تقولولى مبروك انى خلصت الميد ترم والحمد لله والواحد اتشال من على قلبه هم كبيييييييييييييييروتانى حاجة عاوز اقولها ان بجد لا امان للبشر كلمة بنلاقيها مكتوبة على ازاز سواقين النقل والتاكسيات والمكروباسات بس اول ما كنت بشوفها كنت بقعد اضحك عليم جدا اقول إيه الهبل اللى كاتبينه دة بس تصدقوا مطلعش هبل طلع بجد ولما جربت عرفت وبجد يجماعة محدش يأمن لحد اوى دايما حرص ولا تخون لأن بجد صعب تلاقى حد جدع كدة من غير ما يكون فى غرض معلش دوشتلكوا دماغكوا شوية بالهبل بتاعى بس معلش هههههههههه يلا سلام ونتقابل قريبا

شيتووووووووووووووس

sorry yagama3a 3alta25er

2007-11-09T06:18:00.000-08:00

بسم الله الرحمن الرحيم

السلام عليكم ورحمة الله وبركاته انا عارف انى ابتعدت لفترة كبيرة بس والله غصب عنى عشان عندى امتحانات ميد ترم ومعلش متزعلوش منى انى كمان مبدخلش اديكوا كومنتات عشان والله مشغول واتمنى انكوا تدعولى ربنا يوفقنى يلا بإذن الله تكونوا على خير يلا سلاااااااااااااااااااام

شيتوووووس

كمان مرة عيد سعيييييييييييد

2007-10-13T17:26:00.001-07:00

Orkut Myspace Happy Eid Mubarak Comments & Graphics
Orkut Myspace Happy Eid Mubarak Comments & Graphics

عيد سعييييييييييد

2007-10-13T17:17:00.000-07:00

Orkut Myspace Happy Eid Mubarak Comments & Graphics

ليه سميتها كدة ياشيتوس

2007-09-21T16:05:00.000-07:00

بسم الله الرحمن الرحيم

انا كنت عاوز اعرف ناس كتير من اللى كانت بتتريق على اسم البلوج كلنا طبعا متفقين ان البلوج دايما بتبقى معمولة عشان كل واحد يعبر عن اللى جواة وانا بجد حاسس انى وحيد فى الدنيا دة احساس داخلى دة مش معناه ان انا عايش لوحدى او كدة لأ انا عادى جدا قاعد مع عيلتى بس وحيد هى دى الفكرة مش اكتر

شيتوووووووووس

باركولى ياجماعة

2007-09-16T15:06:00.000-07:00

بسم الله الرحمن الرحيم

الحمد لله يجماعة عشان بس اقولكوا ان اللى فى دماغه حاجة لما بيصر عليها بتحقق والحمد لله قدرت اعمل مشروع صغير انا و3 صحابى وان شاء الله ربنا يجلعها فتحة خير علينا بإذن الله بس انتوا ادعولى ربنا يوفقنى ياااااااااااااااااااااااااااااااارب

شيتووووووووووووس

كل سنة وانتوا طيبين

2007-09-11T07:22:00.000-07:00

الدراسة هاتبدأ ييييييييييييييييييييه

2007-09-09T12:51:00.001-07:00

بسم الله الرحمن الرحيم

الاول احب اعزى كل طالب وطالبة عشان الدراسة هتبدأ والقرف جه خلاص مع ان الاجازة كانت مملة موووووت بس برضه احلى من الدراسة مع انى طالب جامعة بس برضه بكره الدراسة مووت يمكن دة عشان انا فى هندسة بيطلعوا عينى وكمان الدراسة السنة دى غير اى سنة احنا هنكون فى رمضان ورمضان يعنى صيااااااااااااااااااااااام وانتوا بقة فاهمين الصياميعنى تمشى باصص قدامك لايمين ولا شمال ههههههههههههههههههه وربنا يستر ونصوم وصيامنا يكون مقبول واحب اعزى كل واحد واقله ربنا يكون فى عوننا بجد هتبقى السنة دى صعبة مووووووووت وربنا يستر

شيتوووووووووووس

2007-08-23T15:02:00.000-07:00

بسم الله الرحمن الرحيم
انا انهاردة عاوز اكلم جزء معين من الشباب فى موضوع اننا ليه منفكرش نبنى نفسنا من دلوقتى ونسبنا من اننا نعتمد على اهالينا ومبحبش اننا نكون معتمدين اننا مادام بناخد مصروفنا اللى مكفينا وزيادة فكدة خلاص لألأ طبعا المفروض اننا نبدأ نبنى نفسنا من دلوقتى سواء كنا لسه بندرس فى الجامعة زى حالاتى او خلصنا وبندور على شغل او معتمدين على اهالينا وانا من رأيى اننا نبدأ نعمل مشروعات صغيرة نقدر نتابعها مع الدراسة فاهمنى؟
انا عايز اراء وافكار وياريت نبتدى نفكر وانا كمان هفكر معاكو وهبتدى اقولكوا اووووووووووك؟
شيتوووووووووووووووووس

والله يجماعة فكرة جديدة وجميلة

2007-08-21T11:25:00.000-07:00

يجماعة والله انا خطرت على دماغى فكرة اننا ننشأ فى كل جامعة اسرة مدونين الجامعة ونقترح ليها اسم ويكون موجود فى كل الجامعات بداية طبعا بجامعة القاهرة واحنا ماشيين بقى وجامعة الزقازيق واليكس والمنصورة وقناة السويس والجيزة وعين شمس الخ بحيث ان اللى يمسك الاسرة بالاقدم فى الجامعة من حيث التدوين

ياريت بس يجماعة انكوا كل واحد يقترح اسم للأسرة وعاوزين نشوف الاراء

الحلقة الاولى<شيتوس فى الجامعة>

2007-08-05T17:01:00.000-07:00

بتبدأ اليوميات ان شيتوس نايم والموبايل بيرن اتخنقت لأ زهقت من الحياة ومن اللى فيها ومن البيت واللى فيه حظى زفت ييييييييييييييييييييه مين الخنقة اللى بيرن عالصبح دة اةةةةة دى البت راندا الخنيقة اللى معايا فى الكلية بتصحينى عشان احضر محاضرة الفيجوال يييه مبحبش احضر المحاضرة دى معلش اصله رخم وبياخد الغياب يلهوى هية الساعة كام اساسا الساعة 10الا خمسة يلهوى فاضل ربع ساعة عالمحاضرة كدة مش هتاكل العملية كدة هتأخر والراجل عمره ما هيرضى يدخلنى طب هنجز جريت عالحمام واخدت شور سرييييييييييييييع وانجزت كله وبفتح الباب يلهوى نسيت اسرح شعرى فين الفرشة يلهوى اى حاجة خلاص يلا مش مهم شوية كريم جيل وانجز ربنا يستر البت راندا دى انا مبتفائلش بوشها وخنقة اساسا انا اصلا مبحبش حرف الرة دة اصلا نزلت اجرى وطبعا قرف كل يوم وان الاقى تاكسى يرضى يودينى الجامعة اصل يجماعة زى منتوا فاهمين سواقين التاكسيات بقوا وزراء وبيتنكوا عليك اكنك هتركب ببلاش طب ممكن اركب سرفيس بربع بس هاوصل بكرة لأ خلينا فى التاكس وبلاش بخل ياولة ياشيتوس المهم ركبت قلتله ربنا يخليك ياباشا انجزنى السكشن هايبدأ لقيته بيبصلى بقرف مهو باشا وانا محتاجله قاللى بص همشى براحتى انا اخرى كدة قلتله اوك يمان الف شكر وطبعا بعد الحاح منى مد شوية بس طبعا بعد ما المكروباصات سبقتنا جيت قبل الجامعة قلت فى دماغى والله ما مديك اللى انت عاوزه انا طبعا عارف انه عاوز 3 اول ما وصلنا فى وسط الزحمة وبتاع المرور بيقولوا اتحرك قلتله معاك فكة 100 قاللى هوة انت ممعاكش فكة قلتله اللى معايا2 جنيه بصلى بقمة القرف وقاللى هات وكان عاوز يقتلنى اساساالمهم نزلت اجرى وانا فرحان انى انتقمت منهعاملى فيها باشا يابن ال المهم كانت الساعة جت 10.15 المحاضرة المفروض انها ابتدت من 5 دقايق طبعا المبنى بتاعنا فى اخر الجامعة اساسا المهم وصلت وانا متبهدل عرق لقيت ان الدكتور باصص على البرجكتور ومركز معاه رحت عملت فيها فهمى و داخل بسرعة وربنا ستر وكان الباب مفتوح المهم لقيت البت راندا بتنادى عليا قلت يخربيت القرف اسكتى بقى الراجل هياخد باله يابت ياهبلة اسكتى لقيت المدرج كله بيضحك ولقيته بيبصلى وكان شكله عاوز ياكلنى وقال مين اللى اتكلم لقيت البت راندا بتبصلى وبتضحك وماسكة بقها كدة وانا فى عقلى ياغبية بصى بعيد يخربيتك تقريبا حس ان انا قاللى انت ياباش مو هات كرنيهك قلتله سورى يادكتور معلش اصلى لسه جاى وكدة لقيته بيقلى ولسه جاى كمان سكت كدة وقاللى بره ومش عاوز اشوف وشك هنا تانى طبعا متكلمتش وطلعت من المدرج ومن يوميها وشيتوس معروف فى االدفعة ودة كان يوم شهرتى حتى الان طبعا كلكوا عازين تعرفوا انا عملت ايه مع البت راندا للأسف كنت هعمل فيها فصل بس لقيت فى معاها واحدة صاحبتها حلوة كدة فقلت خلاص يومك قرب بس مش ناو ليكى يوم ياراندا مع شيتوس المهمخلصت الحلقة دى واتمنى تعجبكم يلا سلام مؤقت والقاكم فى الحلقة التانية
شيتوووووووووووووووووووووووووووووس

بقلم :الوحدة بتقتلنى

يوميات طالب هندسة

2007-08-05T09:07:00.000-07:00

دى هتكون اول حلقة ومش هتضحك عليكوا ان الفكرة دى مجتليش من دماغى انا واخدها من واحد صاحبى بس القصص اللى هحكيهالكوا دى حقيقية بس فكرة ان انا احكى عن الجامعة جت ليا من واحد صاحبى وياريت بس تتابعوا حلقاتى وتعرفونى رأيكوا فيها وهل اكمل فيها ولا اقف وياريت توافونى بالكومنتات بتاعتكوا

الوحدة بتقتلنى

عاوز اقولكوا حاجة

2007-08-04T16:40:00.000-07:00

بسم الله الرحمن الرحيم
عاوز اقولكوا حاجة لازم مش لازم بس دى حاجة اكيد لازم تعرفوها بصوا اياكوا تكونوا طيبين مع اى حد فى الدنيا ومـأمنش لحد ولو حد عاملك كويس تأكد انه عاوز منك مصلحة بس اللى عاوز اوصله انك لازم تكون عارف ان الطيبة دى معدتش موجودة الا فى واحد فى المليون واللى لازم تعرفه برضو ان الناس كلها خبثة ومحدش كويس فى حياته اساسا الا زى ما قلتلكوا واحد فى المليون وانتوا اكيد عمركوا ما هتقابلوا الواحد فى المليون دة لأن دة صعب موووووووووووووووووت وانا انهاردة قدامكوا هكون وحش مع الناس لأن الناس بتحب كدة ومحدش فيكوا يفتكر انى بهلوس او بهبل لأ انا بتكلم بد وياريت تكونوا فى حياتكم حريضين نش هقولكوا وحشين لأ بلاش تكونوا طيبين هى دى الفكرة

الحقوناااااااااا

2007-07-29T18:27:00.000-07:00

يجماعة الحقونا انا مش فاهم منين دى اس ال ومنين عاوزين يحددولنا 2 جيجا فى الشهر بجد انا مش فاهمبجد انا من هنا بناشد الوزير يجماعة لازم نقول لأ للقرار دة مش معقول بجد 2 جيجا نعمل بيهم ايه دول ويارب نلحق ننقذ الموضوع دة قبل ما تحصل مشاكل كتيرة

الوحدة بتقتلنى

خدوا دى كمان

2007-07-29T17:46:00.000-07:00

بصوا بقى انا اليومين دول فرحان وزعلان فى نفس الوقت فرحان لأنى عشان مفيش دراسة وناس كتير الدراسة عندهم حلوة لأنهم مقضينها جامعة وكدة لكن هندسة عندنا رخمة موووت الدراسة عندنا ارخم حاجة فى الدنيا متتصوروش احنا عندنا الدراسة صعبة ازاى وكمان موضوع الفهم دة بقى حاجة بتاعة ربنا المهم انى خرجت من الموضوع وانا زعلان عشان الاجازة مملة مع انى لسه لاقى حاجات اعملها فى الاجازة بس برضه لسه حاسس انها مملة مووووووت عالعموم لو حد شافلى حاجة اعملها يقوللى هههههههه مع انى متأكد ان مفيش حد هلاقيه عارف حاجةكلنا فى فراغ فى الاجازة عالعموم اتمنى ان يكون فى حد اساسا بيشوف كلامى ويعلق عليه هكون سعيد اوى بالكومنتات بتاعتكوا

الوحدة بتقتلنى

حاجة صغيرة تصبيرة

2007-07-24T11:19:00.000-07:00

دى تانى مرة اتكلم فيها انا رحت شاركت فى جامعتنا فى الخدمة التطوعية فى خدمة تنسيق الثانوية العامة اتصوروا انا كنت سعيد قد ايه من كدة ومساعدة الناس لأنى بصراحة وحيد فى حياتى يمكن ليا 3 اخوات وصحاب كتير بس بحس انى برضو وحيد مش عارف ليه تعرفوا اكيد لما ناس تشوف الكلام دة يقولوا اللى علمه يكتب مدونة ظلمه ههههههههه يعنى بس ادينى بتعلم عالعموم انا بدعو اى واحد يكون مش لاقى حاجة يعملها زيى ينزل يشوف انشطة فى جامعته زى النشاط بتاعى دة هو اكيد مش موجود فى الزقازيق بس بإذن الله اشوفكوا فى المدونة الجاية وسلاااااااااااااااام مؤقت

اول حاجة اعملها

2007-07-23T19:53:00.000-07:00

بسم الله الرحمن الرحيم

الاول اعرفكوا بنفسى انا ولنفرض انى اسمى (الوحدة بتقتلنى) اوك غير كدة انى بقى من جمهورية مصر العربية محافظة الشرقية مدينة الزقازيق فى هندسة جامعة الزقازيق قسم كهرباء .
اتكلم عن نفسى شوية:
مشكلتى بقى انى مبعرفش اتكلم عن نفسى خالص بس ممكن احاول مثلا انى اقول انى بحب من الممثلين منى ذكى وساعات السقا واكيد اسماعيل يس ومن المغنيين اكيد تامر حسنى وشيرين عبدالوهاب واكيد بموت فى اغنية تامر اللى عاملها نكنيم وبحب المواد الرياضية ومبعرفش احفظ.

ليه انا عملت مدونة؟
الاول انا عاوز اعرفكوا ليه انا عملت مدونة طبعا اى واحد عادى مش هيعرف موضوع المدونات دة لوحدة ودة اللى حصل معايا حضرت لقاء مدونين وانا اساسا مش مدون عجبتنى الفكرةانى كل ما احس بحاجة اكتبها لأن دة اكيد بيحصل اساسا بس مكنش عالنت وعجبنى موضوع النقاش دة ميبقاش عالنت بس لأ دة ممكن يبقى فى لقاءات بين الناس وبعضها ونتكلم فى ايه الى مدايقنا ونعرف بعض ايه اللى اتوصله كل فرد فينا يمكن يخدم حد تانى ونفيد بعضنا بجد مش كل واحد يبقى لوحده بس للأسف انا اول مرة اجرب موضوع المدونات دة فيارب الاقى ردود عالنت ذى منا لاقتها فى الحقيقة ونرد على بعض ونحاور بعض ونتكلم فى مشكلاتنا ونحلها لبعض